Read English version
Quannu nascisti tu, sanguzzu ruci,
chi fistilizzi ca ‘ncelu si fici!
L’Ancili fuoru tutti ri ‘na vuci:
nasciu, nasciu la bbella ‘mpiratrici.
Ni lu pittuzzu ‘na stidda vi luci,
siti cchiù bella ri quantu si rici:
Bbella, si ssa bbillizza si proruci,
campi cuntenta e murirai filici.
Quannu nascisti tu, sanguzzu duci,
in Paradisu la festa si fici.
L’Ancili si truvaru di ‘na vuci:
ch’è nasciuta na bella ‘mpiratrici.
Nì lu pittuzzu ‘na stidda vi luci,
tu si cchiù bella di quanto si dici;
Bella, si ‘ssa billizza si pirduci,
campi cuntenta, e murirai filici.