Read English version
Quannu Diu s’avia a ‘ncarnari, manna l’ancilu Gabrieli
a Maria a salutari, la rigina di li celi.
Quannu l’ancilu scinnì iusu, e vidiu ddu beddu visu
Arristau tuttu cunfusu, si scurdau lu paradisu.
Ci cumparsi prestamenti, ca già c’era un pilligrinu
Cu sta nivi affriddurati, unni iti brava genti.
Itivinni a dda contrada, c’è na’ grutta arriddussata
Dda c’è pagghia e l’addumati, risturati sta nuttata.
San Giuseppi caminava tra muntagni e boschi oscuri
San Giuseppi e la Madonna arriddutti a li fridduri.
San Giuseppi caminava e la retina tirava.
La tirava curta curta e traseru ‘nta la grutta.
Essennu già Maria arrivaat, vitti poi na manciatura.
L’armaluzzi a la scurdata pocu fenu e pagghia dura.
Parturiu la gran signura senza dogghi, nè dulura
Fici accessu u’bambineddu ‘nmenzu u’ voi e l’asineddu.