Read English version
Amuri amuri miu, ti vogghiu beni
l’ucchiuzzi di me figghia sù sireni
chi avi la figghia mia, ca sempri chianci
voli battù la naca menzu l’aranci
figlia di l’arma mia, facci d’aranciu
ca mancu p’un trisoru, ju ti canciu
specchiu di l’occhi mia, facciuzza bedda
la mamma t’ava fari munachedda
munachedda di lu Sarvaturi
unni ci stannu i nobili, i signuri
dormi sanguzza mia, facci di luna
lu Re di Spagna ti, manna la cruna
ora s’addummisciu, la figlia mia
guardatimilla Vui Matri Maria.